Abra Sariaren 22. edizioa Algortako Azebarri elkartean hasi zen otsailaren 17an, 19:00etan. Oso saio txukuna egin zuten bertsolari gazteek, Naroa Torralbaren gidaritzapean, bertan batu ziren entzuleen gozamenerako. Buruz burukora Maddi Aiestaran eta Maddi Agirre heldu ziren, baina azken honek jaso zituen puntu gehien azkenean. Zorionak Maddi!
Argitaratze data: 2023/02/20
Argitaratze data: 2023/02/02
Dagoeneko ABRA SARIAren 22. ediziora iritsi gara. Aurtengoan ere, Euskal Herri osoko sei bertsolari gazte lehiatuko dira Getxoko uretan: Ander Sarriugarte (Durango), Maite Sarasola (Deustu), Peru Irastorza (Algorta), Maddi Aiestaran (Beasain), Beñat Astiz (Barañain) eta Maddi Agirre (Gasteiz). Ekitaldia otsailaren 17an (ostiralean) izango da, Algortako Azebarri kultur txokoan, 19:00etan hasita.
Argitaratze data: 2023/02/01
Otsailetik maiatzera Uribe Kostan egingo diren bertso ekitaldien berri bertsozaleei ematea da agenda honen helburu nagusia. Ikusiko duzuenez, lauhileko bete-betea dator. Bat egin gurekin eta parte hartu bertsozaleon interes eta atseginerako prestatu ditugun ekimenetan. Gorde datak zuen egutegietan!
Argitaratze data: 2023/01/30
Otsailean sartu berri gara eta plazarik plaza bertsotan dabiltza ALBEko bertsolariak. Hona hemen non kantatuko duten hil honetan:
Argitaratze data: 2023/01/23
Gogoa askatu eta bertsoak idazteko unea heldu da! BALENDIN ENBEITA bertsopaper lehiaketaren XV. edizoak adin eta jatorri guztietako bertsozaleen bertso-sortak hartuko ditu urriaren 16ra arte. Urte amaierako ALBE GALA ekitaldian sari bikainak banatuko ditugu, bertso festa eder baten bihotzean. Gazteontzat aukera aparta!
Argitaratze data: 2023/01/19
Gabonen ostean, bueltan da Ase Bertsoz ekimena! Ostegunean, Algortako Azebarri Kultur Elkartean, urtarrileko aldapari aurre egingo diogu bertso otordu batekin. Anima zaitezte eta etorri, bertsolari eta bertsozaleok, bertsoz asetzera!