Bizkaiko Bertsolari Txapelketa urriaren 1ean hasiko da. Sei kanporaketa eta hiru finalaurreko egingo dira urrian eta azaroan zehar, eta finala abenduaren 16an jokatuko da Bilbon. 36 bertsolarik hartuko dute parte aurtengo txapelketan; horien artean, ALBEko Peru Vidal, Imanol Uria, Paule Loizaga, Unai Mendiburu, Inazio Vidal, Peru Irastorza eta Jone Uria. Zorte on guztioi!

 Ikasturte berria gogoz hasi dute ALBEko bertsolariak. Hona hemen non kantatuko duten hilabetean zehar:

Bizkaiko Bertsozale Elkarteak 40 urte bete ditu aurten, eta irailaren 9an ospatuko du Iurretan. 12:00etan, Iurretako plazan, poteo girotuarekin hasiko da, ondoren Montoste Elkartean bazkaria egingo da eta bazkalostean urteurren ekitaldiari emango zaio hasiera.  Bazkarirako txartelak 20€ dira eta bertsosarrerak.eus atarian eros daitezke ostiralera arte. Anima zaitezte!

Algortako bazterrak bertsoz, doinuz eta dantzaz beteko dira laster, irailaren 10ean, domeka, HITZAREN DANTZA ekimenaren 9. edizioa burutuko baitugu zuekin batera. Bertsolarien, kantarien, musikarien eta dantzarien laguntzaz, egunpasa itzela egingo dugu euskara eta euskal kultura lokarri direla. Erduze zeuek ere!

Abuztuaren 25ean eta 26an jokatu ziren Lizardi Sariko kanporaketak. Horietan Ekhiñe Zapiain, Bittor Altube, Irantzu Idoate, Iker Ormazabal, Garazi Navarro eta ALBEko Unai Mendiburu izan dira puntu gehien jaso dituzten sei bertsolariak, eta irailaren 1eko finalean lehiatuko dira Zarautzeko Modelo aretoan. Aupa Unai eta animo guztioi!!!