Udaberrian bete-betean sartu gara, eguzki eta euri, eta ALBEko bertsolariak Euskadi osoko plazetan kantatzen jarraitzen dute. Hona hemen hil honetan non kantatuko duten:

Badator Korrikaren 24. edizioa, eta ALBEkook prest gaude euskararen aldeko ekimen honetan parte hartzeko, aurten Azebarri kultur elkartearekin eta Algortako Bote Luze taldearekin batera. Ostegunean, martxoak 26, Algortan hartuko dugu lekukoa 2158. kilometroan, 11:39ean. 

Martxoaren 13an Korrikaren aurkezpena egingo da Algortan. Antolatu diren ekintzen artean, 19:00etan Biotz Alai plazatik bertso poteoa abiatuko da Azebarri kultur txokorantza. Kantuan Etxahun Lekue eta Unai Mendiburu bertsolariak izango ditugu. Anima zaitezte!

Otsailaren 7an Abra Sariaren XXV. edizioa jokatu zen Algortan. Euskal Herriko txoko ezberdinetatik etorritako zortzi bertsolari gazte bi kanporaketetan lehiatu ziren. Finalera June Aiestaran, Irune Basagoiti, Bittor Altube eta Kattin Madariaga heldu ziren, eta azkenean, Bittor nagusitu zen. Zorionak! 

Euria barra-barra hasi dugu urteko hilik laburrena, neguko eguzkia noiz aterako zain. ALBEko bertsolariek, egueraldiari kasurik ez eta hurrengo plazetan kantatuko dute hilabetean zehar:

GURE! jaialdiarekin eta Tartanga ikastetxearekin elkarlanean, otsailaren 7an 14:00etan, Bodega Riojanon izango ditugu Unai Mendiburu eta Paule Loizaga bertsolariak Erandioko tabernak girotzen! Anima zaitezte, giro paregabea egongo da eta!