Argitaratze data: 2023/10/23
Bertso Saio Tematikoak Azebarri kultur txokoa magiaz, umorez eta kolorez beteko du azaroaren 10ean, ostiralean.  Saioaz gain, zirku giroko otordutxoa ere izango dugu. Hitzaren malabaristak Jon Maia eta Oihana Bartra izango dira aurten. Jantzi zirkurako mozorro aproposa eta etorri Azebarrira ekitaldi mundial honetara!!!

Hilero bezala, ostegun honetan Azebarri kultur txokoan bilduko gara otordu bikainaz gozatu eta bertsotan aritzeko. Oraingo honetan, gaia adimen artifiziala izango da. Gizakia makinaren kontra, sormena sistema bitarraren kontra. Bertsolariak ala AAk, zeinek sortuko ditu bertsorik onenak? Etorri eta deskubritu, errimatzaile asegaitzok!

Argitaratze data: 2023/10/10

Urritik urtarrilera Uribe Kostan egingo diren bertso ekitaldien berri bertsozaleei ematea da agenda honen helburua. Bat egin gurekin eta parte hartu bertsozaleon interes eta atseginerako prestatu ditugun ekimenetan. Lauhilekoa bertsoz bete-betea dator, gorde datak zuen egutegietan!

Argitaratze data: 2023/10/06

Ikasturte honetan, 30. urteurrena datorrela ospatzeko, hainbat ekintza antolatu ditu Berbots elkarteak. Urriaren 21ean, Berbotslagunen eguna antolatu dute Motagane txakolindegian, 27€-tan. Bazkalostean, Ibon Ajuriagojeaskoa eta ALBEko Unai Mendiburu bertsolariak izango ditugu kantuan. Anima zaitezte!

Argitaratze data: 2023/10/03

Azebarri kultur txokoaren 10. urteurrena ospatzeko, hilaren lehen ostiralean ekintza bereziak antolatuko dituzte ekainera arte. Urriaren 6an bertso saioa egongo da, 20:30ean, ALBEko Jone Uria, Imanol Uria, Paule Loizaga eta Inazio Vidal bertsolariekin. Jon Amezagak jarriko ditu gaiak. Sarrera librea izango da, anima zaitezte!

Argitaratze data: 2023/09/29
Balendin Enbeita bertsopaper lehiaketaren aurtengo edizioko lanak bidaltzeko epea urriaren 16ra arte luzatu dugu. Halandaze, oraindik sasoiz zabiltzate bertso sortak guri helarazteko. Badakizuenez, sari itzelak ditugu emateko. Helduok, gazteok, bertso izkiriatzaile finok, deskargatu oinarriak eta hasi idazten behingoz! Ez utzi aukera hau joaten, urte bi barrura arte ez duzue berriz izango eta.