Aurten ere Algortako Kasino plazan bertso saioak izango ditugu uztailaren 29an, 30ean eta 31n. Azken honetan, San Inazio egunean, BERTSO MARATOIA izango dugu: eguerdiko bertso saioarekin hasi, Gure Toki jatetxean bertso bazkaria eta amaitzeko bertso poteo musikatua ordu txikiak arte. Eman izena orain!

Gorlizen uztailaren 21etik 26ra izango dira Santiago jaiak. Urtero bezala, jaietako hainbat ekintzen artean, bertso saioa izango dugu uztailaren 26an, asteazkenean, Elizako plazan. June Diaz, Aitor Mendiluze, Beñat Gaztelumendi eta Saioa Alkaiza bertsolariak kantuan izango ditug 20:00etan hasita, Beñat Vidal gai-jartzailearen gidaritzapean.

Sopelako jaiak ekainaren 28an hasiko dira. Antolatutako ekintzen artean, igandean bi bertso saio egingo dira txosnagunean. 13:00etan, Peio Lago, Alaia Martin, Amets Arzallus eta Oihana Bartra bertsolariak kantuan izango ditugu, Arrate Illaro gai-jartzailearen esanetara. 20:00etan, Paule Loizaga, Unai Mendiburu eta June Diaz kuadrillen sari banaketa aurkeztuko dute.

2023ko BERTSO JAIALDI MUNDIALA ere itzela dator! Uztailaren 12an, Muxikebarri zentrora kantura etorriko dira Unai Iturriaga, Kerman Diaz, Julio Soto, Maialen Lujanbio, Miren Artetxe eta Jon Maia bertsolariak, esperimentazioa eta originaltasuna oinarri dituen jaialdia eskaintzeko. Gonbidapenak eskuragarri daude dagoeneko, anima zaitezte!

Igandean, Leioako bulebarrean izango da jaietako bertso saioa, urtero lez. 13:00etan hasita, kantuan izango ditugu Naroa Torralba, Julio Soto, Maddi Ane Txoperena eta Aitor Mendiluze bertsolariak. Erlantz Pazos izango da gai-jartzailea.

Aurten ekainaren 24an, larunbatean, izango da ALBEkideen eguna. Goizeko 9:30ean, Barrikako Nagusien Etxean gosalduko dugu. Ondoren, 10:00etan hasita, Barrikako labarretatik ibilaldia egingo dugu eta bazkalaurretik Plentziako alde zaharretik bertsotan eta poteoan arituko gara, trikiaz lagunduta. Bazkaria Plentziako Kai Eder klubean izango da, 23 eurotan. Apunta zaitezte!