60 bertsozale inguru bildu ziren La Dupla jatetxean jokatutako XVII. ABRA SARIA ikusteko. Imanol Uriak gidatuta, kantuan aritu ziren, Beñat Mujika, Ander Ucelay, Aroa Arrizubieta, Lurdes Ondaro, Kerman Diaz eta Mikel Lasarte. Aroa Arrizubietak irabazi zuen sariketa buruz burukoa Beñat Mujikarekin jokatu ostean. Zorionak txapeldunari eta gainontzeko bertsolariei!
Otsailaren 22tik martxoaren 3ra arte TTAN TTAKUN jaialdia egingo da Algortako Azebarri elkartean eta ALBEko bertsolariak txalaparta festaren atariko izango dira: Otsailaren 22an Fredi Paia, 23an Peio Etxebarria, 24an Josu Landeta, 25ean Galder Bilbao "Txapi" eta martxoaren 3an Inazio Vidal. Ttakun-ttakun, bertsoz ekin daiogun!!!
Urteroko legez, ABRAko urek aukera emango diete Euskal Herriko sei bertsolari gazteri, bertso-itsasoan igeri eginda, olatu egokia hartu eta plazetaraino iristeko. ABRA SARIAren hamazazpigarren edizioa dugu honakoa, eta aurrekoetan bezalaxe, bertsolari gazteak izango dira protagonista.
Bada, ALBErtso-urtearen balantzea egiteko ordua iritsi da. Eta, egia esan, ez daukagu kexatzeko batere motiborik! Hemen duzue zenbait datu diogunaren erakusgarri. 2018koa izan bedi, gutxi-gutxienez, 2017koa bezain emankorra!!! URTE BERRI bete bertso ON!!!
Hirukako urte amaierako ale berezirako Hitza Emanda proiektuko ALBEko bertsolari bakoitzak aurtengo urtea ondoen laburbiltzen duen hitzari egin dio bertsoa. Irakurri eta gozatu!
Hemen urte osoko bertso saioetako argazki eta bideoak modu errez batean ikusteko aukera ematen dizuegu. Gozatu!