Aritz Landetak irabazi zuen atzo Algortako Azebarrin jokatu zen Bizkaiko Eskolarteko Txapelketaren 3. kanporaketa. Gaur 4.a jokatuko da Deustun, eta bertan jakingo dugu nor egongo diren Aritzegaz batera ekainaren 3an Markina-Xemeinen jokatuko den finalean. Maider Barañano, Irene Ezkurra, Eneko Elordui eta Naroa Torralba ditugu, besteak beste, sailkapen horren zain. Gogor heldu, gazteok!
Gaur jokatuko da, maiatzak 16, Bizkaiko Eskolarteko Txapelketaren 3. kanporaketa Algortako Azebarri elkartean. Saioa 17:00etan izango da, eta ez da ALBEko ordezkaririk faltako: Aritz Landeta, Eneko Elordui, Naroa Torralba, Mikel Arrate eta Oihan Diaz. Gai-jartzaile Beñat Vidal arituko da. Eutsi goiari, gazteok!
Eskolatik plazara bide luzea dago, eta ALBEkumeek tipi-tapaka egin ohi dute bidaia hori, hareatzan jaiotzen diren dortokakumeek itsasorainokoa egiten duten antzera. Maiatzaren 30ean indar erakustaldia egingo dute ALBEko ume-gaztetxo-gazteek Areetako Andres Isasi musika eskolan. Maialen Lujanbio eta Inazio Vidal izango dituzte bidelagun.
Maiatzaren 14an Getxoko Andra Mariko jaietan ALBEko gazteak arituko dira bertsotan, 13:00etan, aparkalekuko oholtzan: Aritz Landeta, Maider Barañano, Maddalen Ruesgas, Irene Ezkurra, Eneko Elordui eta Naroa Torralba. Gaijartze lanean talde berekoa den Araitz Lasa ibiliko da. Ez galdu gure gazteak bizi-bizian entzuteko aukera aparta hori!!!
Lehenengo euskal marrazki bizidunen aitak utzi berri gaitu. 2012an AHOBI saria jaso zuen, Gotzon Elortza eta Asier Altunarekin batera, bertsolaritzan egindako ekarpenagatik. Zelan ahaztu Pernando amezketarra eta Txirrita marrazki bizidun mundialak! Bihoazkio haren sendiari gure doluminik eta sentikorrenak.
Mila esker eta beti arte, Juanba!
Iritsi da teklatu aurrean eroso para eta bertso eder batzuk idazteko ordua. Zeuk nahi duzun gaiari, zeuk nahi duzun bertso moldean, zeuk nahi duzun heldulekutik... ALBEk antolatutako BALENDIN ENBEITA bertsopaper lehiaketaren 12. edizioak emango dizu aukera. Hortik gorakoa zeure kontu!
Zure bertsoen begira lotzen gara...