Azaroaren 9an Algortako AZEBARRI Kultur Txokoan eta 20:30ean hasita, ALBEk antolatutako BIHOTZA GAZTE bertso ekitaldia egingo da. Oraingoan Juan Jose Eizmendi Loidisaletxe II.a eta Xabier Zeberio Zeberio I.a izango dira bertsokera klasikoaren erakustaldia egingo duten bertsolari beteranoak.
ALBEko Peru Vidal laugarren geratu zen 433 puntu batuz, eta beraz, orain arteko gainontzekoen puntuazioak ikusita, ez du aurrera egiteko aukerarik izango. Plentziako Jai Alai frontoian eta Zihara Enbeitak gidatuta, oholtza gainean aritu ziren Aitor Bizkarra, Arkaitz Zipitria, Gorka Pagonabarraga, Julen Ibarguengoitia, Peio Ormazabal eta Peru Vidal. Puntu gehien Aitor Bizkarrak batu zituen eta beraz zuzenean sailkatu zen finalaurrekoetara.
ALBEko Unai Mendiburu hirugarren geratu zen 466 punturekin eta beraz gainontzekoen puntuazioen arabera lortuko du edo ez hurrengo fasera sartzea. Inazio Vidalek aldiz, bosgarren egin zuen 419,50 puntu batuz, orain arteko gainontzekoen puntuazioak ikusita, ez du aurrera egiteko aukerarik izango. Puntu gehien Txaber Altubek batu zituen eta beraz zuzenean sailkatu zen finalaurrekoetara.
ALBEko Arrate Illaro hirugarren geratu zen 458,50 punturekin eta beraz gainontzekoen puntuazioen arabera lortuko du edo ez hurrengo fasera sartzea. Ekaitz Larrazabal "Katxo"-k aldiz, seigarren egin zuen eta beraz, ez du aurrera egiteko aukerarik izango. Puntu gehien Malenek batu zituen eta beraz zuzenean sailkatu zen finalaurrekoetara.
"Ahuntzak mendira nahi!" dino esakune zaharrak, "eta guk ere bai!" erantzun leiteke. Izan bere, ez dago mendian osteratxu bat egitea langorik, gero mahaian amaitzeko, jateko eder baten aurrean! Oraingo proposamena sano konpletoa da ganera: jateko ederra Gabiren eskutik eta bertso ederrak Fredi eta Katxoren ahotik. Arin apunta! Egonai lo eta jango don mehe!!!
ALBEko Imanol Uriak irabazi zuen saioa eta finalaurrekoetara sailkatu zen zuzenean, Paule Loizagak gainontzekoen puntuazioen arabera lortuko du edo ez hurrengo fasera sartzea. Gernika-Lumoko Lizeo antzokian eta Maite Berriozabalek gidatuta, oholtza gainean aritu ziren Asier Galarza, Garikoitz Sarriugarte, Imanol Uria, Ion Barrocal, Julen Erezuma eta Paule Loizaga.