ALBEko Arrate Illaro hirugarren geratu zen 458,50 punturekin eta beraz gainontzekoen puntuazioen arabera lortuko du edo ez hurrengo fasera sartzea. Ekaitz Larrazabal "Katxo"-k aldiz, seigarren egin zuen eta beraz, ez du aurrera egiteko aukerarik izango. Puntu gehien Malenek batu zituen eta beraz zuzenean sailkatu zen finalaurrekoetara.

"Ahuntzak mendira nahi!" dino esakune zaharrak, "eta guk ere bai!" erantzun leiteke. Izan bere, ez dago mendian osteratxu bat egitea langorik, gero mahaian amaitzeko, jateko eder baten aurrean! Oraingo proposamena sano konpletoa da ganera: jateko ederra Gabiren eskutik eta bertso ederrak Fredi eta Katxoren ahotik. Arin apunta! Egonai lo eta jango don mehe!!!

ALBEko Imanol Uriak irabazi zuen saioa eta finalaurrekoetara sailkatu zen zuzenean, Paule Loizagak gainontzekoen puntuazioen arabera lortuko du edo ez hurrengo fasera sartzea. Gernika-Lumoko Lizeo antzokian eta Maite Berriozabalek gidatuta, oholtza gainean aritu ziren Asier Galarza, Garikoitz Sarriugarte, Imanol Uria, Ion Barrocal, Julen Erezuma eta Paule Loizaga.

Urriaren 10ean ALBEko Jone Uria bertsolariak Euskal Herria ordezkatuko du, Amets Arzallusekin batera, Kubako Tomasita Quiala repentistaren eta Argentinako Araceli Argüello payadorearen ondoan egingo duen saioan.
Uribekostarrok aukera bikaina dugu mundu mailako bertsosaio berezi hau etxean bertan ikus-entzuteko!!!

Urriaren 6an hasiko dira Gernika-Lumon Bizkaiko Bertsolari Txapelketaren kanporaketa saioak. 5 kanporaketa egingo dira eta 30 bertsolarik hartuko dute parte fase honetan. ALBEtik 8 bertsolari ibiliko dira kanporaketetan eta gai jartzaile, epaile eta talde antolatzailean ere bertso eskolako hainbat kide arituko dira. Eskerrik asko eta zorte on danori!

Badator HITZAREN DANTZA ekimenaren 4. edizioa! Heldu da hitza dantzan jartzeko ordua, Irailaren 16an egun osoko egitaraua izango dugu Getxon! Jantzi arrantzalez zein baserritarrez eta irten gurekin plazara hitza dantzatzera!!!