Udako oporren ostean, udazkena hasita, Ase Bertsoz ekimena bueltan ekarri dute ALBEk eta Azebarrik. Irailaren 23an, ostegunean, Azebarri kultur elkartean batuko gara bertsolari eta bertsozaleok otordutxoa egin, edan eta, nola ez,  gorputza eta bertsoa dantzan jartzeko! Anima zaitezte eta eman izena!

Aurten ere jaialdi formatua izango du Hitzaren Dantza ekimenak. Anjel Mari Peñagarikano, Oihana Iguaran eta Paule Loizaga bertsolariek artista hauekin batera kantatuko dute: Dangiliske taldea eta Nagore Clemente musikari eta dantzariak, Josu eta Aritz Landeta musikari eta kantariak, Haizea Hormaetxea eta Gorka Granado dantzariak eta Jon Ortega eta Karlos Galan txalapartariak. 

Andra Mariko aste kulturala irailaren 9tiik 12ra iraungo du, ostegunetik igandera., hainbat ekitaldi ezberdin eskainiz. Horien artean, larunbatean bertso saioa egongo da. 17:00etan, Peio Lago, Asier Alcedo, Paule Loizaga eta Aritz Landeta bertsolariak egongo dira kantuan, Maider Barañanoren gidaritzapean. Eta igandean, etxeko txikienek bertsolaritzaz gozatu ahal izateko, URPEKARIAK bertso antzerkia 11:30ean hasiko da. Anima zaitezte!

Irailean Getxoko kultur asteak hasiko dira, eta ALBEko bertsolariak jai batzordeekin batera antolatutako saioetan kantatuko dute

Iraileko lau igandeetan ekitaldi kulturalak antolatu ditu Gautxoriak elkarteak, Erandioko giro kulturala sustatzeko. EUREKA DOMEKA zikloaren barruan musika, marrazketa inprobisatua eta bertsoak egongo dira. Bertso saioa irailaren 19an izango da, 18:00etan, Malekoian. Uretatik lehorrera kantatuko dute Nerea ibarzabal eta Eli Pagola bertsolariek, Beñat Vidalen gidaritzapean

Romoko kultur astea hastear dago. Irailaren 2tik 5era bitartean, Erromoko Jai Batzordeak hainbat ekintza antolatu ditu aurten ospatu ez diren jaietako ekitaldiak ordezkatzeko. Haien artean, irailaren 4an, bertso saioa egongo da eguerdiko 12:00etan. Oihana Iguaran, Julio Soto, Arrate Illaro eta Aitor Bizkarra arituko dira kantuan, Beñat Vidalen gidaritzapean.