Argitaratze data: 2021/02/22
Plazarik plaza dabiltza martxoan!

ALBEko bertsolariek martxoko hilabetea saio mota ezberdinez bete dute:  Bertsoz betetako martxoa izango da aurtengoa! ALBEko bertsolariek plazarik plaza ibiliko dira mota guztietako jaialdi eta saioetan kantatzen: Ez da Kasualitatea, Plazara! ekimena, bertso saio musikatuak, sariketak...

Argitaratze data: 2021/02/23
AMETS ARZALLUSEN SOLASALDIA ERROMON

Uribe Kostako Irakurzaleen Txokoak hitzordua dauka otsailaren 25an: Amets Arzallusek Miñan liburuaz egingo du berba 19:30ean, Erromoko Kultur Etxean. Solasaldian online parte hartzeko aukera ere badago, Jitsi plataformaren bidez. Presentzialki edo online parte hartzeko, aurretik izena ematea beharrezkoa izango da.

Argitaratze data: 2021/02/18
ABRA SARIA, AURTEN JAIALDI FORMATUAN!
Euskal Herri osotik etorritako bertsolari gazteak lehiatzen dira urtero ALBEk antolatutako Abra Sarian. Aurten, baina, azken bost edizioetako txapeldunak ekarriko ditugu, zuei bertso jaialdi bikaina eskaintzeko. Otsailaren 27an, 18:00etan, Algortako kasinoan bertsotan izango ditugu Aitor Servier, Maider Arregi, Aroa Arrizubieta, Xabat Illarregi eta Ekhiñe Zapiain, Jone Uria bertsolaria gai jartzailea dela. Ezinbestekoa da izena aurretiaz ematea.
Bertsolari aldizkariak 30 urte bete ditu!

1991ko udaberrian argitaratu zen Bertsolari aldizkariaren lehen alea. Ordutik, 120 ale argitaratu dira. Hitzetik Hortzera programak, urteurrena aitzakiatzat hartuta, 30 urteko ibilbideaz hitz egingo du Joxean Agirre, aldizkariko sortzailearekin, eta Beñat Hach Embar, gaur egungo editorearekin. Programa larunbatean 21:00etan eta igandean 15:00etan emango dute, ETB1en.

Argitaratze data: 2021/02/06
ALBEren etenbako Santa Eskea

Taun, taun... Sante Ageda (i)Ageda, biher da Sante Ageda... taun, taun... Martiriaren akordua eta etxekoak koplatzeko bertsoak. Aspaldi hasi ginen ALBEkook Agate Deunaren bezperan Getxoko lurrak iratzartzen. Antzinako koplak eta antzinako ibilbidea, baserriz baserrikoa. Bertso zaharrak eta berriak. Aurton talde meharra, baina eutsi! Etorriko dira sasoi hobeak... EUUUP!!!

Argitaratze data: 2021/02/05
ALBEren 40 urteko ibilbidea Euskal Telebistan
ETBko Hitzetik Hortzera programako lantaldea Getxora etorri da asteburu honetako saioa grabatzera. Jone Uria Albizuri eta Unai Mendiburu Valor bertsolariekin elkartu dira ALBEren ibilbideaz eta gaur egungo egoeraz berba egiteko. Larunbatean 21:00etan eta igandean 15:00etan  ETB1en izango dugu ikusgai.