Pikuxar Euskal Txokoak antolatutako Aixita sariketaren lehen edizioa Irurtzunen jokatu zen larunbatean, maiatzaren 15ean. Eli Pagolak bildu zituen puntu gehien, ALBEko Imanol Uriarekin buruz burukoan aritu ondoren. Zorionak!
Argitaratze data: 2021/05/17
Bertsozale elkartearen babesarekin, Bizkaiko gazteek gazteentzako antolatutako zirkuitua da Plazara! ekimena. Gure eskualdera helduko ostiral honetan, maiatzaren 21ean, ALBEko gazteek antolatuta. 19:00etan hasita, Azebarrin egongo dira kantuan Unai Mendiburu, Nahia Ibarzabal, Peru Irastorza eta Garazi Navarro bertsolariak.
Argitaratze data: 2021/05/11
Urteroko legez, Getxoko Udaleko Euskara Zerbitzuak, herriko zenbait elkarterekin auzolanean, iparraldeko artistak ekarriko ditu gurera, guztion gozamenerako. Aurtongoan, gainera, Xalbador , Mattin eta Labeguerie omenduko dituzte. ALBEko bertsolariek ere parte hartuko dute atarikoetan.
Orain urtebete Goio Etxebarria ALBElagun historikoa joan zitzaigun, gazterik joan ere. Orduan ez genuen izan haren agurra behar bezala atontzerik. Zapatu honetan, maiatzak 15, omenaldia egingo diogu Getxoko Malakate plazan 12:00etan hasita. Bertsoak ez dira faltako, eta ALBEko Joseba Santxok berari idatzitako Segi kantatzen abestia ere eskainiko diogu, besteak beste.
Argitaratze data: 2021/05/10
Bizkaiko Eskolarteko Bertsolari Txapelketako kanporaketak maiatzaren 3an, 4an eta 10ean jokatu dira. Zortzi bertsolari lehiatuko dira maiatzaren 29an Igorreko Lasarte Aretoan jokatuko den finalean: Ander Sarriugarte, Janire Arrizabalaga, Araitz Katarain, Ixone Asategi, Izaro Bilbao, Jokin Ansotegi eta ALBEko June Diaz eta Peio Lago. Sarrerak laster egongo dira eskuragarri.
Dagoeneko iritsi gara Balendin Enbeita bertsopaper lehiaketaren XIV. ediziora. Sasoi aproposa izan daiteke hau gure gure ilusioak, gure kezkak, gure sentimenduak papereratzeko. Zuen ahalegina sari bikainekin eskertzea gure kontu. Bertso-sorta bidaltzeko aukera daukazu irailaren 30era arte. Gazteontzat aukera aparta!