14.600 bertsozale inguru bildu ziren atzo Barakaldoko BECen jokatu zen BTNko finalaz gosatzeko. Goizeko saioa Maite Berriozabalek eta arratsaldekoa Saroi Jauregik gidatuta oholtza gainean aritu ziren Igor Elortza, Aitor Sarriegi, Maialen Lujanbio, Unai Agirre, Beñat Gaztelumendi, Sustrai Colina, Amets Arzallus eta Aitor Mendiluze. 

2.700 bertsozale inguru bildu ziren larunbatean Iruñako Anaitasuna kiroldegian. Bertan jokatu zen BTNko azken finalaurrekoa eta finalean Amets Arzallusekin batera kantatuko duten bertsolariak erabaki ziren: Maialen Lujanbio, Aitor Mendiluze, Igor Elortza, Sustrai Colina, Aitor Sarriegi, Beñat Gaztelumendi eta Unai Agirre. Zorionak!

2.300 bertsozale inguru bildu ziren atzo Donibane Lohizunen jokatutako BTNko azken aurreko finalaurrekoan. Fernando Anbustegik gidatuta, oholtza gainean aritu ziren Maialen Lujanbio, Igor Elortza, Jone Uria, Julio Soto, Iñaki Apalategi eta Agin Laburu. Igor Elortza nagusitu zen 710 puntu eskuratuz eta Maialenekin batera BECerako lekua ia segurua dute. Jonek 668,5 puntu lortu zituen eta finalera sartzeko atarian agur esan zion txapelketari.

Igandean, azaroaren 26an, Donibane Lohizunen jokatuko da Bertsolari Txapelketa Nagusiko finlaurrekoen bigarren itzuliko bigarren saioa. Bertan kantatuko du ALBEko Jone Uria bertsolariak, Bastidako saioan lortutako puntuazioari esker. Aupa Jone! Saio honetan lortutako puntuen arabara lortuko du edo ez BTNko finalera sartzea. (Algortatik autobusa aterako da)

Azaroaren 26an izango da Donibane Lohizunen BTNko finalaurrekoen bigarren itzuliaren bigarren saioa eta ALBEko Jone Uriak bertan kantatuko du. Horregatik Algortatik autobusa aterako da, beraz lehenbailehen apuntatu eta etorri Jone animatzera!

Atzo Durangon amaitu zen BTNko finalaurrekoetako lehen itzulia. Bertan erabaki zen bigarren itzulira sailkatutako bertsolarien zerrenda. 24 bertsolarietatik 18k egin dute aurrera, horien artean ALBEko Jone Uriak. Zorionak!