Urria eta maiatza bitartean, Onintza Enbeitak gidatutako saioetara joanez bertsogintzari buruzko klase osagarriak hartzeko aukera izango dute 17 eta 23 bitarteko gazteek. Urriaren 16a arte dago irekita izena emateko epea.
Argitaratze data: 2019/10/11
Argitaratze data: 2019/10/10
Pasa den asteburuan, urriaren 5ean, HASTA LA 2TORIA eta KONTRABANDA taldeak aurrez aurre aritu ziren kantuan. Saio borobila izan zen, umorez betea baina gai serioagoak ere ukituz. Bi taldeak fin-fin ibili ziren arren, gauaren amaieran HASTA LA 2TORIA izendatu zuten garaile. Aurreko saioa ere irabazi zutenez, Taldekako Xilabako finalerdietara klasifikatu den lehen taldea da HASTA LA 2TORIA.
Argitaratze data: 2019/10/09
Aste honetan Taldekako Xilaba Txapelketaren bi saio egingo dira. Urriaren 11n ESKUKULA eta 4KOPLASARA taldeek kantatuko dute Amenduzen eta 12an EKAINAZ eta KONTRABANDA taldeak, Azkainen.
Argitaratze data: 2019/10/08
Osteguna den urriaren 17an ekimen berri bezain gozoa jarriko dute martxan ALBEk eta AZEBARRIk elkarrekin: ASE BERTSOZ. Mahaiaren bueltan bertsotan jarduteko aukera egongo da, nork bere mailan, puntuka, koplaka, bertsoka... ahoa jateko baino ez dute itxiko bertaratzen direnek. Zain gaituzue!
Argitaratze data: 2019/10/07
Ezin esan urria urri datorrenik bertsosaio aldetik. Bada non kantatu, bai eta bertso ederrak non entzun ere. Gainera, era askotako saioak ditugu: plaza libreak, jaialdiak, sariketak... Gure bertsolariek aitzakia ederra eman ohi digute bertso-geografia lantzeko!
Epailetza ikastaroa eskainiko du Bizakaiako Bertsozale elkarteak urriaren 16an eta 26an, Bilbon. Epaile izan nahi dutenei zuzendutako ikastaro sakona izango da, goizeko 9:00etatik 13:30etara. Izena emateko epea urriaren 13ra arte egongo da zabalik.