Argitaratze data: 2019/11/04
AZAROKO PLAZAK
Azaroa eguraldi makalarekin hasi dugu, baina bertsolariak ez dira, ez, plazetatik asko aldenduko. Euskadi osotik ibiliko dira ALBEko bertsolariak, mota guztietako saioetan kantatzeko: plaza libreak, afariak, saio ibiltariak... Gure bertsolariek aitzakia ederra eman ohi digute bertso-geografia lantzeko!
 

Maddalen Ruesgas: azaroaren 16a Derion.

Inazio Vidal Gurrutxaga: azaroaren 16a Derion eta 30ean Plentzian.

Peru Irastorza Santxo: azaroaren 30ean Plentzian.

Aitor Esteban Etxebarria: azaroaren 30ean Plentzian.
 
Xabi Paya Ruiz: azaroaren 30ean Txurdinagan.
 

 

Informazio gehiago Bertsozale Elkartearen agendan.
Argitaratze data: 2019/11/14
HIRUKAzaleok hitzordua daukagu: HIRUKA EGUNA!

Bihar, azaroaren 16an, HIRUKA EGUNA egingo da HIRUKAren lana eta ibilbidea ospatzeko. HIRUKAzaleak San Nikolas plazan 12:00etan hasi eta kalez kale joango gara trikitilari eta bertsolarien laguntzarekin. 15:00etan bazkaria egingo dugu Azebarrin eta ondoren musikaz betetako arratsaldea izango dugu: bingo musikatua, euskarazko kantuen kantaldia... HIRUKAzalea bazara, Euskaraz pentsatu gura baduzu eta euskarazko prentsa gura baduzu, gorde data!

Argitaratze data: 2019/11/13
BERTSO SAIO TEMATIKOA IRLANDAREN INGURUAN

Bertso saio tematiko sonatuak izan dira gure ekitaldien historian: westerna, 80ko hamarkada, mexikarra... Irlandari begira paratu gara oraingoan, eta horregatik egingo dugu kirol portuko taberna irlandarrean. Jone Uriak eta Aitor Sarriegik Cloverwind musika irlandarreko taldea izango dute lagun. Sarrera librea! 

Argitaratze data: 2019/11/12
AZAROAN ERE BERTSOZ ASEBETEKO GARA!

Hurrengo asteko ostegunean, azaroaren 28an, ASE BERTSOZ ekimena ospatuko da bigarrenez. 20:00etan bertsotan aritzeko eta otordu sinple baina gozo batez gozatzeko aukera egongo da Azebarrin.

Izena emateko epea azaroaren 26ra arte egongo da zabalik.

Larunbatean, BERTSO AFARI gaztea!

Asuako gazteek gau berezia antolatu dute Derioko Baserri Antzokian larunbaterako, azaroaren 16rako. Bertso afariarekin hasiko dira 21:30etan eta DJ Munzaren musikarekin amaituko da gaua, 01:00etatik aurrera. 

Taldekako Xilabaren AZKEN SAIOA!!

Taldekako Xilabaren finala azaroaren 16an jokatuko da Izturitzen. HASTA LA 2TORIA eta EZ OTOI PENTSA taldeek Izturitzeko herriko gelan kantatuko dute  16:30etan, txapelketaren irabazleak nortzuk diren erabakitzeko. Saioaren aurretik bazkaria egingo da, 12:00etan; izena emateko aukera dago oraindik.