Argitaratze data: 2020/09/15
ALBEko bertsolariak lehian
Irailean zehar jokatuko dira Bizkaiko Bertsolari Txapelketako udaberri faseko saioak, euretariko bi gure eskualdean: Getxon eta Berangon. Etzi jokatuko da Getxokoa Muxikabarrin eta bertan ALBEko Paule Loizaga eta Aritz Landeta arituko dira. Erduze gure eskolako bertsolariei bihotz ematera!!!
Argitaratze data: 2020/08/31
Plazarik plaza gabiltza irailean!

Hilabete zail hauen ostean, iraila gogotsu hasi dute ALBEko bertsolariek. Saio kopurua gora doan heinean, mota ezberdinak ikusten gabiltza berriz ere: plaza libreak, jaialdiak, txapelketak... eta ALBEren Bertso Jaialdi Mundial propioa ere!

Argitaratze data: 2020/08/25
Abuztuaren amaieran, bertso saioa Erandion!

Igande honetan, abuztuaren 30ean, bertsotan arituko dira Iker Zubeldia, Alaia Martin, Julio Soto eta Inazio Vidal Erandioko udaletxeko plazan. Beñat Vidalek jarriko dizkie gaiak 18:00etan hasiko den saio honetan. Aforo mugatua dela eta, aurretik izena ematea ezinbestekoa izango da.

Argitaratze data: 2020/08/24
Mundialak Rol handia izango du aurten!
Bertso Saio Mundial berezia izango dugu aurten, fakzioz eta pertsonaia bereziz betea. Irailaren 2an, 19:30ean, hitzordua daukagu Muxikebarrin rol-jokalari bihurtutako bertsolariekin:  Jone Uria, Maialen Lujanbio, Nerea Ibarzabal, Andoni Egaña eta Jon Maia. ATOPIArekin elkarlanean, inoiz baino bereziagoa izango da aurtengo Jaialdia. Has dadila partida!

ATOPIA rol-joko euskalduna da, eta bertan, Lurraren bertsio alternatibo batean, Euskal Herrian konspirazio teoria guztiak fakzio bihurtu dira. Jokoari buruz gehiago jakiteko, hona hemen haien webgunea.
Aurten, bertso saioa rol-joko bihurtuko dugu, eta bertsolariak rol-jokalari. Jone Uria, Maialen Lujanbio, Nerea Ibarzabal, Andoni Egaña eta Jon Maia fakzio ezberdinetan egongo dira. Nork daki non bukatuko den partida!
 
Saioa Muxikebarri antzokian bertan ikusteko, ezinbestekoa izango da gonbidapena, eta dagoeneko eskuragarri daude (pertsonako 2) Erromoko eta Villamonteko Kultur etxeetan. 
 
Egunean bertan, 18:30ean irekiko da Muxikebarriko txarteldegia, soberan geratu diren gonbidapenak banatzeko. 
Argitaratze data: 2020/08/05
Erromoko jaietan bertso birtualak gozagarri!

Aurten Erromoko jai ezberdinak ospatuko ditugu! Erromoko Jai Batzordeak onlineko ekitaldi eta ikuskizun ugari eskainiko ditu egunotan, baita bertso saioa ere!

Ostiral honetan Igor Elortza, Maddalen Arzallus, Odei Barroso eta Imanol Uria izango ditugu bertsotan pantailaren beste aldean, Peru Vidalen gidaritzapean. 

Argitaratze data: 2020/08/04
GORLIZEK BERTSO "PILULA" ESKAINIKO DU OSTIRALEAN!

Gorlizko udalak kultura ekitaldiak eskainiko ditu dosi txikietan, "piluletan", abuztu osoan zehar. Ostiralean, abuztuaren 7an, bertso saioa izango dugu Sebastian Lizaso, Jon Maia, Paule Loizaga eta Unai Mendibururekin. Trikitaren laguntzaz Gorlizko gune batetik bestera ibiliko da publikoa, bertsolariek balkoitik balkoira kantatzen dutelarik.