Abian da 20. Korrika, BATZUK lelopean.  ALBEk ere BAT egin du Korrikarekin, eta bertso ekitaldi BATZUK antolatu ditu munduko lasterketarik euskaltzaleenaren alde! Orain, berriz, 'oinak emateko' barik, 'oinei emateko' ordua iritsi da. Zatozte ALBEren kilometroa gurekin batera egitera, apirilaren 6an 02:08etatik aurrera, Aiboako BMaren parean. EGIN KM BAT, EGIN BERTSO BATZUK!

ALBEko bertsolari gazteek XXI. BBK sariketan finalerako sarrera lortu dute, aupa zuek! Datorren martxoaren 31n jokatuko dute finala Uribe Kosta eta Busturialdea taldeek. 19:00etan Bilboko BBK Salan. Animo guztioi!

ALBEko bertsolari gazteak XXI. BBK sariketan murgilduta daude, eta eta ez doakie batere txarto! Batzuk Enkarterri/Ezkerraldea taldearekin ari dira, eta bestetzuk Uribe Kosta taldearen ordezkari. Talde biek lortu dute lehen faseko saioa irabaztea eta finalaurrea jokatuko dute martxoaren 24 eta 28an hurrenez hurren. Nork gelditu gazteok!

Egunontan Bilbon jokatzen ari den BERTSO ERRONDA txapelketan ALBEtik joandako hiru bertsolari gazteek (Paulek, Unaik eta Kermanek) finalerako txartela lortu dute, nork bere saioan.
FINALA 7 Katu gaztetxean jokatuko da, martxoaren 30ean. Seguru gaude asko eskertuko dituztela gure txaloak eta aupadak. Goazen denok errondan Bilbo aldera!

Otsailaren 17an Algortako La Ola jatetxean egin zen XVI. ABRA SARIA Maider Arregi oñatiarrak irabazi zuen, buruz burukoa Joanes Illarregi leitzarrarekin jokatu ostean. Saioa erritmo onean joan zen eta oso maila txukuna erakutsi zuten parte hartu zuten 6 bertsolari gazteek.

Ekimen barri bezain kilikagarria abiarazi dau aurton Bizkaiko Bertsozale Elkarteak, Bizkaiko bertsogintzearen oinarria sendotu eta aldi berean eskualde zein bertso eskolen arteko hartuemonak era ludikoan sustatzeko helburuagaz: BIZKAIKO TALDEKAKOA.