Dagoeneko hasita dago ALBEren ikasturte berria. Ohi bezala, asteartero biltzen hasi gara Itxasgane deitu ohi diogun lokalean. Martitzenetako dinamika honetan, hainbat talde ditugu. Deitu edo imeildu egiguzu, ea zein den zure nahi eta ezaugarrietara ondoen egokitzen dena. Eta ausartagoa bazara, erdu patxadaz edozein asteartetan. Hona hemen ekarri behar dituzunak: ideiak buruan, euskara ahoan, eta ondo pasatzeko gogoa. Hortik gorakoa gure kontu!
ALBEren 35. urteurrena urteko bertso-ekitaldi guztiak ari da zipiztintzen eta itxuraldatzen, neurri batean edo bestean. Orain BELENDIN ENBEITAren txanda da. Izan ere, aurton ez dugu ohiko lehiaketarik egingo. Pentsatu dugu urteurren-urte berezi hau aukera ona izan daitekeela BALENDIN ENBEITA izeneko bertsopaper-lehiaketa entzutetsuaren atzean dagoen izen-abizenak hobeto ezagutzeko, eta batez ere, gure inguruko gazteen artean ezagutarazteko.
Uribe kostako eskola eta ikastola gehienetan dugu bertsolaritza lantzeko aukera LHko 5. eta 6. mailetan, baina ez askotan DBHra saltoa egin ostean horrekin jarraitzeko aukerarik. Horregatik ALBEn aukera eman nahi dizuegu bertsolaritza eskolak hartzen jarraitzeko DBHn ere.
DBHn ere, denok bertsozale
Antzinakoa da hitzaren eta dantzaren arteko harremana, eta ez da atzo goizekoa dantzariek bertsolariaren doinura dantzatzen ikustea bera ere. ALBEren 35. urteurrena aitzaki biribila da HITZAREN DANTZA ekitaldi berri eta berrizale honen estraineko agerraldia egiteko. Bertsolariak, musikariak eta dantzariak elkarren lagun eta elkarri eragiten. Ikusgarri bezain entzungarria izango da!
Urteroko legez, Bizkaiko Bertsozale Elkarteak antolatuta, aurton IRAILaren 5ean (zapatuan) Errioxara joateko aukera izango dogu bertsozaleok. Aurton, baina, geralekua izango dogu Getxon, Bidezabal metro-geltokian. Autobusean jarleku batzuk lotzen dira eta, bizkor bazabiltzeze, zeuontzako izan daitekez.
Sekulako bertso saioak entzun eta gero Algortako jaiekin batera iragarrita genituen bertso-saioak bukatu dira baina ez eskualdeko bertso saioak, metroa hartu eta Erromora goaz bertako jaiez eta bertsoz gozatzera. Bertso saioa potente bat eta izugarrizko bertso poteoa zai izango ditugu Erromon.