Larunbatean Larzabalen jokatu den XILABAko saioan, ALBEko bertsolari urruñarra nagusitu da 306 punturekin. Honekin, kanporaketa amaitutzat jo eta final herenetako saioen sailkapena erabakita gelditu da. Urriaren 17an izango da bigarren faseko lehenengo saioa, Senperen.

XILABA Bertsulari Xapelketako hirugarren kanporaketa urriaren 4an jokatu zen Ainhoan. 17:00etan, 160 bertsozale batu ziren Ainhoako Herriko gelan, Battitt Crouspeyre, Bixente Hirigarai, Iker Altuna, Maddi Ane Txoperena, Ramuntxo Christy eta Xumai Murua bertsolarien saioa ikusteko.

Saioko irabazlea Maddi Ane Txoperena Iribarren izan zen, 335 punturekin, eta zuzenean sailkatu zen hurrengo fasean Izturitzen kantatzeko. Xumai Murua Berra eta Ramuntxo Christyk egin dute bigarren eta hirugarren, hurrenez hurren.

XILABA Bertsulari Xapelketako lehen kanporaketa irailaren 19an jokatu zen Hiriburun. 17:00etan hasita, La Perle gelan lehiatu ziren Aitor Servier, Bittor Thicoïpe, Egoitz Zelaia, Elixabet Etxandi, Irati Alcantarilla eta Ortzi Idoate bertsolariak, 150 bertsozaleren aurrean.

Saioko irabazlea Aitor Servier izan zen, 334 punturekin, eta zuzenean sailkatu da hurrengo fasean Bokalen kantatzeko. Egoitz Zelaiak eta Irati Alcantarilla Urdanpilletak egin dute bigarren eta hirugarren, hurrenez hurren.

XILABA Bertsulari Xapelketako laugarren eta azken kanporaketa urriaren 10ean jokatu da Larzabalen. 17:00etan, Larzabaleko Herriko gelan batu dira Johaine Sarraillet, Josu Txoperena, Kerman Diaz, Mizel Mateo, Oneka Arteaga eta Xan Alkhat bertsolariak, 180 bertsozaleren aurrean kantatzeko.

Saioko irabazlea Kerman Diaz izan da, 306 punturekin, eta zuzenean sailkatu zen hurrengo faseanSenperen kantatzeko. Xan Alkhatek eta Mizel Mateok egin dute bigarren eta hirugarren, hurrenez hurren. Honekin, kanporaketa amaitutzat jo eta final herenetako saioen sailkapena erabakita gelditu da.

XILABA Bertsulari Xapelketako bigarren kanporaketa Muskildiko Posonpesenea aretoan jokatu zen irailaren 26an. 17:00etan batu ziren Gillen Hiribarren, Maddi Sarasua, Maindi Murua, Oier Urreizti, Patxi Iriart eta Pettan Prebende bertsotan jarduteko. 

Giro ederreko saio baten ostean,  Maddi Sarasuaizan zen irabazlea, 327,5 punturekin, eta zuzenean sailkatu zen hurrengo fasean Sohütan kantatzeko. Patxi Iriart eta Maindi Muruak egin dute bigarren eta hirugarren, hurrenez hurren.