Erromoko jaiak uztailaren 31tik abuztuaren 7ra iraungo dute aurten. Ostegunean, abuztuaren 4an, Erromoko tabernetatik kantuan izango ditugu Unai Mendiburu eta Nerea Ibarzabal bertsolariak. 21:00etan, txosnagunetik hasita. Anima zaitezte!

2021ko Bizkaiko Bertsolari Txapelketako finala Bilbon jokatu da, abenduaren 18an. 17:00etan, ia 4.000 bertsozale elkartu dira Bilbao Arenan aurtengo finalistak lehian ikusteko: Aitor Bizkarra, Aitor Etxebarriazarraga, Etxahun Lekue, Gorka Pagonabarraga, Jone Uria, Nerea Ibarzabal, Onintza Enbeita eta Xabat Galletebeitia.

Buruz-burukoan Nerea Ibarzabal eta Jone Uria ibili dira, eta azkenean txapela Nerea Ibarzabalek jantzi du.  Hauek izan dira finaleko puntuazioak:

1. Nerea Ibarzabal Salegi......................874,5
2. Jone Uria Albizuri...............................866
3. Etxahun Lekue Etxebarria.................520,5
4. Xabat Galletebeitia Abaroa...............507,5
5. Onintza Enbeita Maguregi.................489,5
6. Aitor Bizkarra Ruiz.............................486
7. Aitor Etxebarriazarraga Gabiola.........484
8. Gorka Pagonabarraga Agorria...........464

Informazio gehiago Bertsozale elkartearen webgunean.

2021ko Bizkaiko Bertsolari Txapelketako azken finalaurrekoa Larrabetzun izan da, abenduaren 4an. 17:00etan, Larrabetzuko frontoian, 700 bertsozale ingururen aurrean lehiatu dira Ander Elortegi, Eneko Abasolo 'Abarkas', Jone Uria, Julen Arzanegi, Nerea Ibarzabal eta Txaber Altube bertsolariak.

Saioaren irabazlea Nerea Ibarzabal izan da 542,5 punturekin, eta zuzenean sailkatu da abenduaren 18an Bilbon jokatuko den finalean. Jone Uria eta Txaber Altube izan dira bigarren eta hirugarren, hurrenez hurren.

Hurrengo saioa finala izango da, abenduaren 18an, Bilbo Arenan.Hauxek dira finalean kantatuko duten bertsolariak: Aitor Bizkarra Ruiz, Aitor Etxebarriazarraga Gabiola, Etxahun Lekue Etxebarria, Gorka Pagonabarraga Agorria, Jone Uria Albizuri, Nerea Ibarzabal Salegi, Onintza Enbeita Maguregi eta Xabat Galletebeitia Abaroa.

Informazio gehiago Bertsozale elkartearen webgunean.

Ostiralean, abenduaren 27an, Erandion egongo dira Aitor Mendiluze eta Nerea Ibarzabal bertsolariak!  Giroa animatu eta Erandioko kaleak musikaz betetzeko, KULUNKAN taldea izango dute lagun.

Iraileko lau igandeetan ekitaldi kulturalak antolatu ditu Gautxoriak elkarteak, Erandioko giro kulturala sustatzeko. EUREKA DOMEKA zikloaren barruan musika, marrazketa inprobisatua eta bertsoak egongo dira. Bertso saioa irailaren 19an izango da, 18:00etan, Malekoian. Uretatik lehorrera kantatuko dute Nerea ibarzabal eta Eli Pagola bertsolariek, Beñat Vidalen gidaritzapean

Eguna: abuztuaren 4a

Ordua: 21:00etan hasita

Tokia: Txosnagunetik hasita

Bertsolariak: Unai Mendiburu eta Nerea Ibarzabal