2021ko Bizkaiko Bertsolari Txapelketako finala Bilbon jokatu da, abenduaren 18an. 17:00etan, ia 4.000 bertsozale elkartu dira Bilbao Arenan aurtengo finalistak lehian ikusteko: Aitor Bizkarra, Aitor Etxebarriazarraga, Etxahun Lekue, Gorka Pagonabarraga, Jone Uria, Nerea Ibarzabal, Onintza Enbeita eta Xabat Galletebeitia.

Buruz-burukoan Nerea Ibarzabal eta Jone Uria ibili dira, eta azkenean txapela Nerea Ibarzabalek jantzi du.  Hauek izan dira finaleko puntuazioak:

1. Nerea Ibarzabal Salegi......................874,5
2. Jone Uria Albizuri...............................866
3. Etxahun Lekue Etxebarria.................520,5
4. Xabat Galletebeitia Abaroa...............507,5
5. Onintza Enbeita Maguregi.................489,5
6. Aitor Bizkarra Ruiz.............................486
7. Aitor Etxebarriazarraga Gabiola.........484
8. Gorka Pagonabarraga Agorria...........464

Informazio gehiago Bertsozale elkartearen webgunean.

2021ko Bizkaiko Bertsolari Txapelketako lehen finalaurrekoa Etxebarrian izan da, azaroaren 21ean. 17:00etan, Etxebarriako frontoian, 500 bertsozaleren aurrean lehiatu dira Gorka Pagonabarraga, Ibon Ajuriagojeaskoa, Imanol Uria, Miren Amuriza, Onintza Enbeita eta Paule Ixiar Loizaga bertsolariak.

Saioaren irabazlea Gorka Pagonabarraga izan da 529 punturekin, eta zuzenean sailkatu da abenduaren 18an Bilbon jokatuko den finalean. Onintza Enbeita eta Miren Amuriza izan dira bigarren eta hirugarren, hurrenez hurren.

Hurrengo saioa Galdakaoko Urreta kiroldegian izango da, azaroaren 27an, Aitor Bizkarra Ruiz, Aitor Etxebarriazarraga Gabiola, Etxahun Lekue Etxebarria, Josune Aramendi Perez, Oihana Bartra Arenaseta Xabat Galletebeitia Abaroa bertsolariekin.

Informazio gehiago Bertsozale elkartearen webgunean.

2021ko Bizkaiko Bertsolari Txapelketako bigarren kanporaketa Igorren izan da, urriaren 9an. Lasarte aretoan lehiatu dira Ibai Amillategi Omaetxebarri, Julen Arzanegi Erezuma, Garazi Navarro Ugarteburu, Ander Ucelay Aristi, Gorka Pagonabarraga Agorria eta Mikel Goiriena Larrazabal bertsolariak, Beñat Vidal gai-jartzailea zelarik.

Saioaren irabazlea Gorka Pagonabarraga izan da 482,5 punturekin, eta zuzenean sailkatu da azaroaren 21an Etxebarrian jokatuko den finalaurrekoan. 

Hurrengo saioa Ortuellan izango da, urriaren 9an, Asier Alcedo, Garikoitz Sarriugarte, Julen Ibarguengoitia, Mikel Retolaza, Peru Vidaleta Txaber Altube bertsolariekin.

Informazio gehiago Bertsozale elkartearen webgunean.

Eguna: Urriaren 23a, larunbata

Ordua: 12:00etan

Tokia: Portu Zaharra

Bertsolariak: Jone Uria, Miren Amuriza, Gorka Pagonabarraga eta Oihan Diaz

Gai-jartzailea: Jon Amezaga

Portu Zaharreko kultur astea urriaren 21etik 24ra ospatuko da, Barne Barnetik kolektiboak antolatuta. Urriaren 23an, larunbatean, Miren Amuriza, Jone Uria, Oihan Diaz eta Gorka Pagonabarraga bertsolariak kantuan izango ditugu Jon Amezagaren gidaritzapean. Aurretik izena ematea ezinbestekoa izango da!