Oraindik ere Jaialdi Mundialaren aparretan gabiltzala, Algortako saninazioak ditugu ate-joka. Eta saninazioetan, ohiko legez, Aste Nagusi handien planteamendua: egunero bertsosaioa, kasinoko plazan eta eguerdiz. EH osoko bertsolariak, saio itzelak, eta bertso-giro parebakoa. Aipamen berezia, zelan ez, BERTSO MARATOIAri. Hasi berotze-ariketak egiten...
"Santiau paseu de eta, Santana geubien..." dio gure abesti mitikoak, eta santiagotarako bertso-plan ona gura badozu, jo Gorliz aldera, han aspalditik egiten dira-eta bertso jaialdi ederrak. Aurtengoa ere ez da makala, halandaze bertso onak entzutea AMETS baduzu, AITOR ezazu ez duzula PERU herrialderaino joan behar; Gorlizen bertan duzu bertso OIHANA. MIREN LOIZAGAk erakutsiko dizu bidea...
Sopelako sanpedroak sonatuak ditugu eskualdean. Bertsoak ere ez dira arrotz kresala usaineko herri-jaiotan, baina aurton egun bitan egongo da bertsoak "arrantzatzeko" aukerarik. Zapatu goizerako saio itzela prestatu dugu, etxeko Paule Loizaga ere tartean dela. Eta domekan Paule bera eta Unai Mendiburu hor arituko zaizkigu, koadrillen sari-ematea bertsoekin edertuz. Txosnagunean itxarongo dizugu!!!
Ekainaren 26a egun handia izango da, baina ez hauteskundeengatik, ezpadaze Leioako bertso jaialdi itzelagatik!!! Igandean Ikea Barri plazara hurbiltzen bazara, puntako bertsolariak entzuteko aukera izango duzu, Maite gaijartzaile apartaren eskutik. Ez dira gai beroak faltako, ezta bertso txinpartatsuak ere!
Gure bihotza taupadaka hasi ohi da, gure kirioak dantzan eta gure burmuina endorfina zoro-zoro isurtzen, jaialdi mundialeko eszena eta giro apartarekin pentsatze hutsaz. Zatozte uztailaren 6an Algortako Biotz Alai plazara. Aurtengo gaia, tradizioak agindu bezalaxe, ez dizuegu aurreratuko. Hori bai, gorriak ikusteko prest etorri...
Deitu tradizioa, deitu afizioa, deitu adizkzioa... kontua da ALBEkook ez dakigula bertso barik bizitzen. Eta udan, gainera, halako goraldi moduko bat izaten dugu, geure ahaleginak bikoiztera eroaten gaituena bertsozaleerik mokofinenak ere gogobetetzeko moduko bertso eskaintza egitera. Sakatu hemen eta surfeatu gure bertso-tsunami honen bizkarrean!