Irailaren 22an, HITZAREN DANTZA ekimenaren 10. edizioak kolorez eta doinu ederrez beteko ditu Algortako kale eta plazak. Euskara lokarri hartuta, bertsoak, euskal kantak eta euskal dantzak izango dira nagusi goizeko Zazpi Jauzi kalejiran, bazkalosteko saioan eta arratsaldeko erromerian. Animatu zeuek ere hitza dantzan jartzera!
Egitaraua:
ZAZPI JAUZI KALEJIRA
Goizeko 11:00etan hasita, kalejira jendetsua egingo dugu Algortan zehar, Txilibita fanfarrearen musikaz lagunduta. Zazpi gunetan lotuko gara Paule Loizagaren, Patxi Iriarten eta Maddi Ane Txoperenaren bertsoak entzuteko, Erandioko kantagunea taldeko Josu Zarateren gidaritzapean euskal kantak abesteko eta gure betiko dantzak dantzatzeko. Zenbait gunetan, Altxa taldeko txalapartariek egingo digute harrera.
Hortik gora, hauexek izango dira ibilbidea markatuko duten gune nagusiak, bai eta erreferentziazko ordutegia ere:
11:00 Basarrate parkea (bertsoak, ARABAko kantak eta dantzak)
11:30 Villamonte (bertsoak, LAPURDIko kantak eta dantzak)
12:00 Alangobarri (bertsoak, NAFARROA GARAIko kantak eta dantzak)
12:30 Satistegi (bertsoak, ZUBEROAko kantak eta dantzak)
13:00 Tellagorri (bertsoak, BIZKAIko kantak eta dantzak)
13:30 Portu Zaharra (bertsoak, GIPUZKOAko kantak eta dantzak)
14:00 Telletxe (bertsoak, NAFARROA BEHEREko kantak eta dantzak)
Gune guztietan eskuorriak banatuko dira kantatuko diren abestien hitzekin. Ibilbidean zehar, Hitzaren Dantzako zapi bereziak salduko dira 2€-tan.
HERRI BAZKARIA
15:00etan, kalejira osoa amaitutakoan, San Nikolas plazan batuko gara guztiok eta herri bazkari ederra egingo dugu bertako pilotalekuan.
Bazkaltzera geratu nahi duzuenok izena eman behar duzue aurretik, ALBEko telefonora deituz (605 704 385) edo emailez (Helbide elektroniko hau spam roboten kontra babestuta dago. JavaScript aktibatuta eduki behar duzu hau ikusteko.). Bazkariaren prezioa 20€ izango da. Izena emateko epea irailaren 18an bukatzen da (barne).
Bazkalostean denok batera herri kanta batzuk abestuko ditugu, eta bertso saioa ere egongo da Paule, Patxi eta Maddi Aneren eskutik.
ERROMERIA
18:00etan erromeria alaia izango dugu San Nikolas plazan bertan, Luhartz taldearekin, 20:30ak arte.
PARTE HARTZEKO ERAK
Era bi daude egun honetan parte hartzeko:
1) Talde moduan: dantza taldeak, kantu taldeak, euskal musika taldeak... Parte hartze mota hau aurretik adosten da ALBEko antolatzaileekin, eta nahi izanez gero, elkartearen logoa sartzen da kartel zein eskuorrietan.
2) Banakako eran: Edonor anima daiteke kalejirara etortzen, guneetan kantatzen edota dantzatzen. San Nikolas frontoiko bazkarira ere edonor apunta daiteke, baina aurretik izena eman beharra dago. Janzkerari dagokionez, jantzi konbinazio guztiak onartzen dira: dantzari, arrantzale, baserritar...
Eskatzen dugun bakarra da egun horretan (ere) euskal hitza dantzatzeko, hau da, EUSKARAZ EGITEKO, nork bere mailan eta eran, euskal kulturaren adierazpen eder hau benetan 'EUSKAL' izan dadin.