2022ko Bertsolari Txapelketa Nagusiko lehen finalaurrekoa Elizondon jokatu da urriaren 22an, Baztan pilotalekuan. 1.400 bertsozaleren aurrean kantatu dute Agin Laburu, Alaia Martin, Iñaki Apalategi, Joanes Illarregi, Onintza Enbeita eta Unai Agirre bertsolariek, Amaia Castorene Luro gai-emailearen gidaritzapean.
Alaia Martin izan da saioaren irabazlea, 729,50 punturekin, eta zuzenean sailkatu da Amurrioko bigarren itzuliko finalaurrekora, azaroaren 19an jokatuko dena. Joanes Illarregi eta Agin Laburu izan dira bigarren eta hirugarren, hurrenez hurren.
Saioaren sailkapena:
| Alaia Martin | 729.50 |
| Joanes Illarregi | 711.00 |
| Agin Laburu | 677.00 |
| Unai Agirre | 652.50 |
| Onintza Enbeita | 639.50 |
| Iñaki Apalategi | 623.00 |
Informazio gehiago txapelketaren webgunean.