Irailaren 18an, goizeko 11:00etatik aurrera, Algortako plazak eta kaleak bertsoz, doinuz eta dantzaz beteko dira HITZAREN DANTZAn. Bi urteren ostean, ZAZPI JAUZI KALEJIRA formatua berreskuratuko dugu, Algortako zazpi plazetan bertsotan, dantzan eta kantuan egiteko Uribe Kostako dantza eta kanta taldeen laguntzaz. Animatu zeuek ere hitza dantzan jartzera!

Uda amaitzear dago eta ALBEko bertsolariak hainbat plazetan egongo dira kantuan: Hitzaren Dantza, "Balkoitik Balkoira" estiloko saioa eta lagun artekoak.

Erandioko San Agustin jaiak abuztuaren 24tik 28ra ospatuko dira. Larunbatean, abuztuaren 27an, bertso saioa egongo da. Amets Arzallus, Ane Labaka, Kerman Diaz eta Xabat Illarregi bertsolariak kantuan izango ditugu Malekoian, 19:00etan hasita. Gai-jartzailea Jon Amezaga izango da.

Bizkaiko Bertsozale Elkarteak  ERRIOXARA IRTEERA berreskuratu du aurten. Irailaren 10ean, arabar Errioxan egun osoko plana antolatu dute: Guardian goiz pasa, bazkaria Cándido Besa upategian eta Bastidan arratsalde pasa. 35 euro izango dira, autobusa eta hamaiketakoa Elkartearen kontura. Izena emateko azken eguna abuztuaren 31 izango da. 

Gorlizko Balkorik Balkoi ibiltariaren 3. edizioa abuztuaren 12an egingo da, ostiralean. Onintza Enbeita eta Julio Soto bertsolariak izango ditugu gurean, eta Gorlizko balkoietatik zehar bertsotan arituko dira trikitilarien laguntzaz. Elizako plazatik hasita, 20:00etan.

Abuztuaren 10tik 14ra iraungo dute Portu Zaharreko jaiak. Abuztuaren 12an, 19:30ean, kantuan izango ditugu Jone Uria eta Joanes Illarregi. Marmitako eta Pijama egunean, abuztuaren 14an,  Naroa Torralba, Mikel Arrate eta Asier Alcedo bertsolariek 18:00etan bertso saioa hasi eta, ondoren, marmitako lehiaketako sariak banatuko dituzte.