Argitaratze data: 2022/08/03
Erromon bertso saioa egongo da abuztuaren 6an

Erromoko jaietako betiko bertso saioa Ganeta plazan egingo da aurten, abuztuaren 6an, larunbatean. 17:00etan hasita, kantuan izango ditugu Andoni Egaña, Naroa Torralba, Eneko Lazkoz eta Onintza Enbeita bertsolariak. Gai-jartzailea Oier Iturralde "Atano" izango da. 

Argitaratze data: 2022/08/02
Argitaratze data: 2022/07/30
Abuztuaren 4an, bertso jira Erromotik zehar

Erromoko jaiak uztailaren 31tik abuztuaren 7ra iraungo dute aurten. Ostegunean, abuztuaren 4an, Erromoko tabernetatik kantuan izango ditugu Unai Mendiburu eta Nerea Ibarzabal bertsolariak. 21:00etan, txosnagunetik hasita. Anima zaitezte!

Argitaratze data: 2022/07/26
MAÑUKORTA BERTSOLARI KARISMATIKOA ZENDU DA
Mañu, ostendu zara / hodeien atzean, / gugan bazaude ere / betiko antzean: / bertsotan, umorean, / kantuan, hitzean... / utzi gaituzun arren / hutsune latzean, / gugaz egongo zara / plaza bakoitzean! 
ALBEko lagunak
Argitaratze data: 2022/07/22
Uztailaren 29an, 30ean eta 31n bertso saioak izango ditugu Algortan

Uztailaren 28tik 31ra iraungo dute Algortako San Inazio jaiak, eta jai batzordearekin batera, hiru bertso saio antolatu ditugu Kasino plazan, 13:00etan. Uztailaren 31n BERTSO MARATOIA egongo da: eguerdiko bertso saioarekin hasi, Azebarrin bertso bazkaria eta amaitzeko bertso poteo musikatua ordu txikiak arte. Eman izena orain!

Argitaratze data: 2022/07/21
Asteartean bertso saioa egongo da Gorlizen

Asteartean, uztailaren 26an, Gorlizko jaietan bertsotan izango ditugu Andoni Egaña, Maddi Ane Txoperena, Saioa Alkaiza eta Aitor Etxebarriazarraga. Bertso saioa 20:00etan hasiko da Ibarreta plazan, Beñat Vidal gai-jartzailearen gidaritzapean.