XILABA Bertsulari Xapelketako laugarren eta azken kanporaketa urriaren 10ean jokatu da Larzabalen. 17:00etan, Larzabaleko Herriko gelan batu dira Johaine Sarraillet, Josu Txoperena, Kerman Diaz, Mizel Mateo, Oneka Arteaga eta Xan Alkhat bertsolariak, 180 bertsozaleren aurrean kantatzeko.

Saioko irabazlea Kerman Diaz izan da, 306 punturekin, eta zuzenean sailkatu zen hurrengo faseanSenperen kantatzeko. Xan Alkhatek eta Mizel Mateok egin dute bigarren eta hirugarren, hurrenez hurren. Honekin, kanporaketa amaitutzat jo eta final herenetako saioen sailkapena erabakita gelditu da.

2021ko Xilaba Bertsulari Txapelketako lehenengo kanporaketa irailaren 18an jokatu da Makeako Herriko gelan. 17:00etan hasita, Maddi Ane Txoperena, Oier Urreizti, Irati Alcantarilla, Mizel Mateo, Gillen Hiribarren eta Karlos Aizpuru bertsolariak lehian aritu dira 90 bertsozale ingururen aurrean.

Maddi Ane Txoperena izan da 422,5 punturekin irabazlea eta hurrengo fasera pasatzeko txartela lortu du. Maulen lehiatuko da urriaren 16an.

Hurrengo kanporaketa irailaren 25ean jokatuko da Muskildin.

Informazio gehiago Bertsozale Elkartearen webgunean.