Gipuzkoako Bertsolari Txapelketaren lehenengo final-aurrekoa azaroaren 17an egin zen, Arrasaten. Eñaut Martikorena Lizaso, Agin Laburu Rezola, Nerea Elustondo Plazaola, Unai Mendizabal Jauregi, Iñaki Apalategi Astigarraga eta Unai Gaztelumendi Arandia bertsolariak lehiatu ziren Uarkape pilotalekuan.

Agin Laburuk 501 punturekin irabazi zuen eta zuzenean joango da finalera, abenduaren 14an Donostian egingo dena.

Gipuzkoako Bertsolari Txapelketaren hirugarren final-laurdena urriaren 26an egin zen Eibarren. Amaia Kultur Etxean aritu ziren Agin Laburu Rezola, Haritz Mujika Lasa, Beñat Lizaso Alberdi, Maider Arregi Markuleta, Unai Gaztelumendi Arandia eta Iñigo Izagirre Urteaga bertsolariak.

Agin Laburuk irabazi zuen 495 punturekin eta azaroaren 17an Arrasaten jokatuko du final-aurrekoa.