Maiatzaren 4an, 5ean eta 10ean Bizkaiko Eskolarteko Bertsolari Txapelketako kanporaketak jokatuko dira. Parte hartuko duten bertsolarien artean, Oier Rementeria, Jare Torralba, Peio Lago, June Diaz eta Maialen Lago ALBEko gazteak egongo dira bertan, haien maila erakusten! Kanporaketen irabazleak maiatzaren 29an jokatuko den finalean lehiatuko dira.
Maiatzaren 4an, 17:00etan, Algortako Azebarri Kultur Etxean lehiatuko dira Oier Mendiolagoitia, Unai Intxausti, Maddi Askaiturrieta, Haizea Telleria eta ALBEko June Diaz eta Maialen Lago bertsolariak.
Maiatzaren 5ean,17:00etan, Durangoko Kurutziaga Ikastolan lehiatuko dira Malen Aretxaga, Aitzol Unzueta, Ander Sarriugarte, Araitz Katarain eta ALBEko Oier Rementeria, Jare Torralba eta Peio Lago.
Maiatzaren 10ean, 17:00etan, Gernika-Lumoko Astra kulturgunean lehiatuko dira Jokin Ansotegi, Janire Arrizabalaga, Ixone Asategi, Narioa Jaio, Sara Asenjo, Amaiur Galdos, Ariane Sololuze, Ziara Larrinaga eta Izaro BIlbao.