Uribe Kostako Mankomunitatearekin antolatutako Balkoirik Balkoi saioaren 4. edizioa izango da abuztuaren 11n. Gorlizko balkoietatik kantuan ibiliko dira Nerea Ibarzabal eta Etxahun Lekue bertsolariak, 20:00etan, Elizako plazatik hasita.

Beroa eta oporrak buruan, herriko jaietako hainbat plazetan kantuan arituko dira ALBEko bertsolariak:

Uztailaren 30etik abuztuaren 6ra egingo dira aurten Erromoko jaiak. Abuztuaren 3an, 16:30ean, kantura datoz Unai Mendiburu*, Jone Uria, Andoni Egaña eta Sustrai Colina bertsolariak, Peru Vidalen gidaritzapean. Abuztuaren 5ean, 19:00etan, txosnagunetik hasita Erromoko tabernetatik bertsotan izango ditugu Jon Maia eta Imanol Uria.

Aurten ere Algortako Kasino plazan bertso saioak izango ditugu uztailaren 29an, 30ean eta 31n. Azken honetan, San Inazio egunean, BERTSO MARATOIA izango dugu: eguerdiko bertso saioarekin hasi, Gure Toki jatetxean bertso bazkaria eta amaitzeko bertso poteo musikatua ordu txikiak arte. Eman izena orain!

Gorlizen uztailaren 21etik 26ra izango dira Santiago jaiak. Urtero bezala, jaietako hainbat ekintzen artean, bertso saioa izango dugu uztailaren 26an, asteazkenean, Elizako plazan. June Diaz, Aitor Mendiluze, Beñat Gaztelumendi eta Saioa Alkaiza bertsolariak kantuan izango ditug 20:00etan hasita, Beñat Vidal gai-jartzailearen gidaritzapean.

Sopelako jaiak ekainaren 28an hasiko dira. Antolatutako ekintzen artean, igandean bi bertso saio egingo dira txosnagunean. 13:00etan, Peio Lago, Alaia Martin, Amets Arzallus eta Oihana Bartra bertsolariak kantuan izango ditugu, Arrate Illaro gai-jartzailearen esanetara. 20:00etan, Paule Loizaga, Unai Mendiburu eta June Diaz kuadrillen sari banaketa aurkeztuko dute.