JA Muzic - шаблон joomla Mp3
> <
  • Gorlizen bertso jira musikatua izango dugu aurten

    Abuztuaren 7an, osteguna, Gorlizko kale-tabernetatik zehar kantuan izango ditugu Inazio Vidal eta Oihana Iguaran bertsolariak. Ibilbidea Elizako plazan hasiko da, 20:00etan, Gentzane Fernandez eta Ander Trabudua musikariek lagunduta.

  • Badatoz Algortako San Inazio jaietako bertso saioak

    Aurten ere Algortako jaietan bertsoez gozatzeko aukera izango dugu uztailaren 30eko, 31ko eta abuztuaren 1eko bertso saioekin. Urtero bezala, 31n, San Inazio egunean, BERTSO MARATOIAren eguna izango da: eguerdiko saioaren ostean Gure Toki jatetxean bertso bazkaria izango dugu eta, amaitzeko, bertso poteo musikatua ordu txikiak arte. Anima zaitez eta eman izena! 

  • Uztailaren 28an izango da Gorlizko jaietako bertso saioa

    Gorlizko Santiago jaiak uztailaren 24an hasi eta lau egunez iraungo dute eta, azken egunean, uztailaren 28an, bertso saioa egongo da urtero lez. 19:00etan hasita, Imanol Uria, Xabat Illarregi, Saioa Alkaiza eta Alaia Martin bertsolariak izango ditugu elizako plazan kantuan, Beñat Vidal gai-jartzaileak gidatuta. 

  • BIHOTZETIK PAPERERA, HEMEN DA BERTSOPAPER LEHIAKETAN PARTE HARTZEKO AUKERA!

    Dagoeneko iritsi gara Balendin Enbeita bertsopaper lehiaketaren XVI. ediziora. Zeuk nahi duzun gaiari, zeuk nahi duzun bertso moldean, zeuk nahi duzun heldulekutik... adin eta jatorri guztietako bertsozaleen bertso-sortak hartuko ditugu irailaren 30a arte. Urte amaierako ALBE GALA ekitaldian sari bikainak banatuko dizkiegu irabazleei. Gazteontzat aukera aparta! 

  • ALBEren bertso agenda otsailetik maiatzera

    Otsailetik maiatzera Uribe Kostan egingo diren bertso ekitaldien berri bertsozaleei ematea da agenda honen helburua. Bat egin gurekin eta parte hartu bertsozaleon interes eta atseginerako prestatu ditugun ekimenetan. Lauhilekoa bertsoz bete-betea dator, gorde datak zuen egutegietan!

  • EDONOR IZAN DAITEKE BERTSOLARI

    "Edonor izan daiteke bertsolari neurri batean. Bizikletan ibiltzen edonork ikas dezake? Bertsotan, berdin". Horixe esan zuen Xabier Amuriza bertsolari handiak. Eta zuk, bertsotan ikasi nahi duzu? Bada, etorri Algortako Bertsolari Eskolara! ALBEko ateak zabalik dituzu.12 eta 18 urte bitarteko taldean eta helduen taldean izena emateko epea zabalik dago. Gozatu lagun artean bertsoen artean!!!

Hurrengo ekitaldiak:
28
Gorlizko jaietako bertso saioa
18:55etan
30
Algortako jaietako bertso saioa
13:00etan

Azken berriak

Argitaratze data: 2025-07-23
Gorlizen bertso jira musikatua izango dugu aurten

Abuztuaren 7an, osteguna, Gorlizko kale-tabernetatik zehar kantuan izango ditugu Inazio Vidal eta Oihana Iguaran bertsolariak. Ibilbidea Elizako plazan hasiko da, 20:00etan, Gentzane Fernandez eta Ander Trabudua musikariek lagunduta.

Argitaratze data: 2025-07-16
Badatoz Algortako San Inazio jaietako bertso saioak

Aurten ere Algortako jaietan bertsoez gozatzeko aukera izango dugu uztailaren 30eko, 31ko eta abuztuaren 1eko bertso saioekin. Urtero bezala, 31n, San Inazio egunean, BERTSO MARATOIAren eguna izango da: eguerdiko saioaren ostean Gure Toki jatetxean bertso bazkaria izango dugu eta, amaitzeko, bertso poteo musikatua ordu txikiak arte. Anima zaitez eta eman izena! 

Argitaratze data: 2025-07-14
Uztailaren 28an izango da Gorlizko jaietako bertso saioa

Gorlizko Santiago jaiak uztailaren 24an hasi eta lau egunez iraungo dute eta, azken egunean, uztailaren 28an, bertso saioa egongo da urtero lez. 19:00etan hasita, Imanol Uria, Xabat Illarregi, Saioa Alkaiza eta Alaia Martin bertsolariak izango ditugu elizako plazan kantuan, Beñat Vidal gai-jartzaileak gidatuta. 

Argitaratze data: 2025-06-30
Beti arte, Kepa!

Kepa Arrizabalaga, Gatikako pandero jole handia, joan egin zaigu, ez gure artean panderolari errimearen eta kantari zoliaren eredua utzi barik. Goian bezain gugan bego! 

Txori bat isildu da / gure inguruan, / kantuan ebilena / uda zein neguan. / Kepa, pandero hotsa / entzunda orduan / hasiko gara kantuz / zugaz akorduan / pozik entzun gaizuzan / zagozen lekuan! ALBEko lagunak

URTEA BETE EKITALDI

Taldekako Xilaba: Izturitzeko saioa

Taldekako Xilabako finala Izturitzeko Herriko gelan jokatu zen azaroaren 16an, 300 pertsonen aurrean. Herri bazkariaren baten ondoren, Arberoa ikastolako haurrek eman zioten saioari hasiera klasean eginiko bertsoak kantatuz. EZ OTOI PENTSA eta HASTA LA 2TORIA taldeek bertso umoretsu eta ederrekin agurtu zituzten ikusleak eta maila mantendu zuten saio osoan zehar. Azkenean, baina,  Maddi Ane Txoperena, Miren Artetxe, Josu Txoperena eta Gorka Artetxe bertsolariek jantzi zuten txapela.

Saioak ikusteko sakatu hemen.

taldekako xilaba 2019 Izturitze finala

Bertsolariak

 
 

NOR GAREN

LAU LETRATXO izeneko bertsoak orobiltzen du ondoen gure eskolaren funtsa eta izaera:

Lau letratxo elkarren ondoan
akronimoa da, brabo!
eta atzean bertso-eskola bat…
Parkatu, askoz gehiago!
A, L, B eta ondoan E,
ALBE lez ezagunago,
bertsolari bik sortu zutena
gaur baino askoz lehenago.
Laurogeian sortu zuten eta
ez ote dugu arraro
hainbeste urtez iraun izana
bertsogintzaren abaro;
Sekretutxo bat badauka baina
irauteak aroz aro:

ALBEN AHOTSAK UGARI DAUDE
BIHOTZA BAKARRA DAGO!!!

Eskolak ematea

Transmisioa ALBEren helburu estrategiko nagusia dela esan genezake, erratzeko beldur handirik gabe. Bertsolariak sortu nahi ditugu, hitza arte bihurtuko duten bertsolari artistak, hain zuzen ere (35. urteurreneko leloak dioen moduan); eta horrek ondo koipeztutako makineria martxan jartzea eskatzen du, ezinbestean. Eskolatik bertsolari-eskolarako jauzia ematen laguntzeko hainbat irakasle eta laguntzaile ditugu. Eurak dira gure proiektuaren zutabe nagusietako bat. .

Ekitaldien antolaketa

Sustapenak ere garrantzi izugarria dauka gurean, bertsolariek inguru egokia behar baitute, beren dimentsio guztietan garatuko badira. Gure urteroko bertso-agenda ikaragarria da. 30 ekitaldi inguru, haietariko zenbait erreferente argiak direnak Euskal Herri mailan. Halandaze, bide beretik jarraitzeko borondate irmoa daukagu..

Ikerkuntza eta berrikuntza lanak

“Aurreak erakusten du atzea nola dantzatu” dio esaera zaharrak. Eta horregatik gara gu atzera begiratzen honen zaleak: etorkizunean urrats sendoak eman nahi ditugulako! Une oro ari gara ALBEkideok pentsatzen zer ekitaldi berri sortu, kudeaketa zelan hobetu, emaitzak zelan ugaritu, jende gehiagorengana zelan heldu… Eta arlo horretan ez daukagu bide erdian gelditzeko ezertariko asmorik. Ez horixe!

Elkarlana

Zorionez, gure helburu anbiziotsuak betetzeko ahaleginean ez gaude bakarrik. Bidelagun ditugu erakundeak, elkarteak, eragileak, zaleak… Haiekin batera eta neurri handi batean haiei esker iritsi gara gauden tokiraino, eta haiekin batera jarraitu nahi dugu bidean aurrera. Mila esker guzti-guztioi bihotz-bihotzez!

Sustatzaileak: