Gabriel Arestik behinola esan zuen "Erandio, erdarak odola edan dio". Baina Berbots Euskara Taldearen eguneroko transfusioei esker, osasuntsu dago egun Erandio herria, abuztuaren 27ko bertso saioa lekuko. EHko ekialdea eta mendebaldea bertso zubiz batuko dira Nahikari Ayoren esanetara. Etorri euskal odola ematera!
Algortako Portu Zaharreko Etxetxu plazak bertako eskailera maila beste bertso eder entzun ditu, hango giro kresaltsu sorgintzailean. Abuztuaren 12an S. Lizasok eta I. Vidalek eutsi egingo diote tradizio luzeari. Marmitako eguneko sari ematea ALBEko gazteen kontu. Laster jausiko zara kai zaharreko euskal xarmaren sareetan!
Abuztuaren hasieran "bide guztiek Erromora" eramango gaituzte, bertso asko eta onak entzun gura baditugu, behinik behin. Hilaren 2an goi mailako lau emakume bertsolari oholtzan: U. Alberdi, M. Amuriza, M. Artetxe eta J. Uria. Eta hilaren 3an bertso jira aparta: A. Arzallus eta P. Vidal. Ez da makala Itzubaltzetako aurtengo bertso menua. Heldu ALBEren udako bertso-sokari!!!
Euskal Herriko haizea dakar Gorlizko santiagotako bertso jaialdi tradizio handikoak. Nafarroa, Gipuzkoa, Iparraldea eta Bizkaia egongo dira ordezkaturik, Maite Berrizabal gaijartzaile ezagunak gidatuko duen saioan. ALBEko Paule Loizaga izango da bizkaitarren ordezkaria, eta aukera polita izango dugu sopeloztar gaztearen bertso-heldutasunaren lagin bat jasotzeko. Erduze Gorlizera!
Algorta: bertso saio sorta! Saninazioak: bertsozko aktuazioak! Jaiak: neurria, errimak eta gaiak! Usadioari jarraiki, saninazioetako saio bikainak ditugu ate joka. Kasinoko plaza bertsogune bilakatuko da, berriz ere. Eta goi mailako saioon erremate gisa, BERTSO MARATOIA, tradizio handiko bertso jardun bukagaitza... Murgil zaitez ALBEren udako bertso-eskaintzan! Busti gurekin!
Badator, udarekin batera, urte osoan zehar irrikaz itxarondako bertso saioa: BERTSO JAIALDI MUNDIALA! Zatozte uztailaren 5ean 21:00etan Algortako Biotz Alai plazara. Zein izango ote da aurtengo gaia???