2019ko uztailaren 12a egun eguzkitsu eta ederra izan zen, jendea kalera bultzatzen dituen horietakoa. Algortako plaza eta terrazak bazkalostetik bete ziren. 21:00ak baino pixka bat lehenago, inguruko bertsozaleak haien edariak amaitu eta ordaindu, terrazak utzi edota autoak aparkatu eta Muxikebarri zentrorantza abiatu ziren poliki-poliki. Zergatik? Bertso Jaialdi Mundiala hastear zegoelako, noski!

Pasadan urteetan Biotz Alai plazan ospatu ziren Mundialak, giro informalago batekin. Hori dela eta, antolatzaileak nahiko urduri zebiltzan aurten leku aldaketa zela eta. Muxikebarrik plazarekin konparatuta onurak eta trabak zituen arren, jaialdia bera edonon eginda ere mundiala zela ikusi zen. ALBEko antolatzaileek eta zentroko teknikariek lan asko egin behar izan zuten, baina aitortu behar da emaitza hobeezinak lortu zituztela.

2018ko azaroaren 28an egin zen Erromoko Kultur Etxean Getxoko euskal eragileen lana eskertzeko Getxoko Udalak urtero egin ohi duen gala. Aurtengo ekitaldian Getxon zein Uribe Kostan ondo ezaguna den kultur elkartea omendu zuten: Algortako Bertsolari Eskola «ALBE».

Erromoko bertsojirak azken urteetan momentu gogoangarriak utzi izan dizkigu. Urtero hurbildu garenok izan gara horren lekuko eta agendan gorriz markatzeko saio horietakoa dela badakigu: 2018ko abuztuaren 2an, 21:00etan Erromoko txosna-gunetik abiatuta, Uxue Alberdi eta Oihana Iguaranen bertsojira. Markatuta.

Tik-tak, tik-tak… uztailean hasi zen Bertso Jaialdi Mundialerako atzerako kontaketa… tik-tak, tik-tak… airean betiko galdera: aurtengoan zer gai egokituko? Tik-tak, tik-tak… Uztailaren 11 egutegian gorriztatu… tik-tak, tik-tak… lagunekin geratu: Mundialera bai, ezta? Galdetzea ere! Ez nuke ezergatik ere galduko! Tik-tak, tik-tak… Karpa begibistan, barruan aterpe gozoa, giroan poza, zalantza, ezinegona… tik-tak, tik-tak… Jarleku ona, konpainia hobea, eta onena etortzeko… tik-tak, tik-tak. Argiak, soinua, erlojuaren orratz txikia 9an eta handia 12an. Mirenen ahots gozoa entzuleen belarrietan urre. Mundua lotu bedi. Ordu pare batez bertsolarien, gaijartzaileen eta ALBEko antolatzaileen magiaren mirabe. Gozatzea lege.

Badira zenbait urte ALBEko bertsolariek Barrikako San Juan jaietan parte hartzen dutela. Gainera, parte hartze gozoa izaten da hori, bertako nekazaritza eta eskulangintza azoka saltokiz saltoki koplatzeko ardura hartzen baitute.

Bagilak hiru. Ekia zut. Akelarreak su. Akarlandan abiatu ginen Frediren eskutik Motabarrin kafea hartuta. Bide, estarta, muna eta zelai. Mendi, pendiz, zuhaitz eta iturburu. Baserri, etxabere, hesi eta bazter. Dena eder, dena interesgarri. Altxor ugari metro koadro gutxian. Frediren azalpenak aberasgarri.