ALBEren santaeskea kopla-doinuan
Arrakasta itzela izan zuen ALBEren barnetegiak

2017 urteari, hasiera ezin hobea eman ahal izan genion Albekide askok! Izan ere, Urtarrilaren 3tik 5era bitartean, orain bi urte egin genuen bezala, Elgoibarko Aubixa Aterpetxera joan ginen eskolaren parte garen 44 ume eta gazte. Ikasturte hasieran, ume eta gazte guztien familiei jakinarazi zitzaien bezala, aurten nahiz eta ez garen denok Aldai Patronatuan ibiliko kantuan, denok ALBEkide garen aldetik, bertso talde ezberdinen arteko harremanak sortu eta estutu nahi genituen. Adin, ikastetxe ezberdinetan arituko bagara ere, denok bat garela sentitu eta sentiarazi nahi genuelako. Eta halaxe izan zen.

ALBEko gaztetxo eta gazteen erakustaldia

Urteak dira Areetako Olentzero jaian ez dela bertsorik falta. Urterik urte, gure bertso-eskolatik pasa diren hainbat belaunalditako gaztetxoek aukera ederra izan dute jendaurrean abesteko; baita Areetakoek, zein bertara hurreratu izan direnek, gaztetxoen bertsoekin gozatetzekoa ere.

Mañukortaren gorazarrea urte amaierako ALBE GALAn

Inflexio puntu bat izan zen 2015eko Albe gala. Asko eta asko su artifizialen anekdotarekin geratu bazen ere, ez zen urteurren ospakizun hutsa izan, ezta hurrik eman ere. Baina aldez aurretik hala erabakita, urteroko galetan ohikoak ziren Ahobi sariak eta Balendin Enbeita bertso paper sariketa ez ziren presente izan. Eta inflexio puntu horren ondoren iritsi da 2016ko Albe gala. Betiko dotorezia eta egiturari eutsiagatik aldaketa handi batekin etorri dena: URREZKO AHOBIA.

Beteranoen erakustaldi aparta

ALBEren urteko bertso-agendan klasiko ezaguna dugu BIHOTZA GAZTE ekitaldia, aspaldi abiatu baitzen bertsolari beteranoen bertsokeraz ikastea eta gozatzea helburu duen ekimena. Hainbat eta hainbat bertsolari zaildu eta eskarmentu handiko igaro dira BIHOTZA GAZTEren oholtzatik, eta aurton bikote berezia zegoen iragarrita: Anjel Mari Peñagarikano eta Millan Telleria. Albizturdarrak biak, adiskide mamiak eta betiko bertso-lagunak. Gauza asko zuten amankomun eta horiei guztiei beste bat erantsi behar: doazen bertso-plazara doazela, dena emateko jarrera eta gogoa!

ALBEko gazteak plazara bidean

2016ko azaroaren 11n 18:30ean Aldai Patronatuaren Algortako egoitzan aurkeztu zen ALBEk gazteen bat-bateko taldeetarako diseinatu duen programa 2016-2017 ikasturterako. Aurretiaz ahoz eta idatziz jakinarazi zitzaien talde horietan dabiltzan ikasleei eta euren gurasoei ohiko eskolez gain ikasturte osoan zehar egingo diren ekitaldi berezien berri aurrez aurreko aurkezpen batean emango zitzaiela.